bicarelo

Uxío

2009-07-03T13:37:00.001+02:00

Ao fin, as letras galegas adícanse ao poeta do Courel.

2010 ano de Novoneyra

Un agasallo! isto é magnífico!

2009-05-09T02:17:00.005+02:00

Menuda sorpresa marabillosa levei! Déronnos un premio! A profe Natalia, que gusta de enredar coas tic e os seus alumnos e alumnas de quinto.

Moitas, moitas grazas! É unha grande ilusión saber que o noso blogue pode gustarvos e - por riba de todo - servirvos de algunha axuda.

Así pois, seguiremos as normas que conleva este agasallo fenomenal, que son as seguintes:

1º Exhibir a imaxe do premio

2º Poñer o nome do blog que nolo concedeu

3º Nominar a 10 blogues preferidos

4º Avisar a estes 10 blogues

5º Publicar as reglas

6º Comprobar que os blogues sigan estas regras

Polo tanto, quedanos por nomear aos nosos blogues "maneiros". Pois serán os seguintes:

http://engalego.blogspot.com

http://casadetolos.nireblog.com

http;//cadernodelingua.wordpress.com

http://sereassencadeas.blogspot.com/

http://bitacoracooperativa.blogspot.com

http://www.blogoteca.com/orecantodemik

http://bibliolaxe.blogspot.com

http://bemilladoiro.blogspot.com

http://englishsantome.blogspot.com

http://bibliomalveiras.blogspot.com

Estou moi agradecido polo agasallo maneiro que me enviastes. Ole!

Agardo seguir tendo novas sobre enredando e os seus enredos!

Ata pronto

Nadal... até na sopa!

2008-12-24T01:30:00.001+01:00

Era visto, home. Tanta influencia anglosaxona non podía rematar ben.
Hai que andar máis a modo en según que contos.

A comunicación, esa arte...

2008-12-08T23:34:00.003+01:00

Hai que escoitalo, e decatarse de que fermoso xeito se fala da lingua e da comunicación nesta curtametraxe, gañadora en Cannes.

Gracias Toño por enviarme este agasallo.

Acontecido con lobo.

2008-10-21T16:44:00.005+02:00

Non sei se sabe da historia do que chamaban faíscas, Sechu Gondar, mariñeiro de orixe humilde, do barrio máis ao norte das terras de O Grove. Son as zonas que alí chaman de "katanga" (dun xeito algo despectivo) os que viven en San Martiño, sé do concello. Pois ben, contan deste Gondar, que vivíu hai xa anos, que foi o máis grande bailador de buxainas que nunca se víu. Que mesmo tiña un callo na palma da mao especial, tecido por millóns de voltas enfebrecidas da buxaina na palma. Tan pulido e duro que a quen lle daba unha labazada de rapaz, deixáballe unha marca moi particular, estraña, moi semellante aos petroglifos atopados nos outeiros do Morrazo. O seu alcume debíallo a un acontecido que contaban del.

Disque unha noite topou co lobo (xa sería outra besta, porque lobos no Grove non se teñen documentado. Pero bueno, xa se sabe como son os contos. Poñamos que fose un tigre, unha pantera...) baixando do outeiro da Siradella. Seica salvou a vida gracias á súa afición ás buxainas. Como non tiña con que defenderse, tirou a buxaina do peto, dispacio... o lobo fitaba cara el cunha expresión teimuda; atoulle a corda (nó grovense-doble reviricho-lazo inghlés no dedo medio), apretou, secou a suor coa manga esquerda, despacio... o lobo fincou as poutas un chisco, como para saltarlle enriba.

Lanzou, coma nunca o fixera. A buxaina xirou no ar e, antes de caer ao chan, Sechu fixo o movemento co que tiña gañado moitos concursos: mandou a man dereita coma un lóstrego, os labirintos de pedra esculpidos na palma petaron coa punta de ferro do seu peón caseiro, pintado de mil cores, e produciuse o fenómeno. Primeiro unha lene faísca, coma de chisqueiro, pero que co efecto do xiro sostido foi a máis, todo un río de lus, unha lus intensa, entre amarela e azulada, que trazaba traxectorias circulares e desprendía faíscas que aínda saltaban no chan sen rematar de apagarse; unha lus que algúns dixeron ver desde os pisos altos do Monte da Vila.O lobo non se atreveu coa lus. Dáballe un non sei que achegarse.E aquí está o máis incrible. Sechu Gondar tivo que baixar todo o camiño da Siradella até o seu barrio, varios kilómetros de camiño a pé, coa lus acesa. O peon xerador non deixou de xirar todo aquel tempo sobre a súa man.

Xa na casa, na porta, Sechu virou as costas. Levaba a lus acesa na man; o peon xirando. Custoulle un momento acostumar os ollos á escuridade e mirou para o lobo, que o seguira.
Estaba alí, apostado, mirábao de fite ne fite, agardando o seu momento.

- Boas noites - dixo. Parou o peón coa man esquerda e apagou a lus.

Extracto do arquivo epistolar do Doutor Facundo Cicerón Díaz Rondón. Persoeiros e acontecidos do Camiño de Santiago. Do Acibo ao Morrazo. Ed. Hermes. Bos Aires, 1946. páx. 45-47

Sultans of swing. The version!

2008-06-16T19:21:00.003+02:00

At last! I have found it.

Axudas para o fomento do uso do galego

2007-11-27T01:32:00.000+01:00

A secretaría xeral de política lingüística ven de convocar axudas para proxectos de fomento de uso do galego nos centros educativos. Axudas que chegarán até os 2500€.
Está publicado no DOG do venres 23 de novembro.
Semella unha boa ocasión para rendibilizar esforzos, xa que moitas das iniciativas que xa están en marcha nos colexios e institutos ben poden acadar estes recoñecementos. Anímovos a plasmar as vosas ideas nun proxecto e presentalo nestes vindeiros días.
O prazo é de vinte días contados a partires desta data 23 de novembro.

Se queres consultar o texto íntegro da convocatoria proba esta ligazón:

Delicioso

2007-11-24T23:49:00.000+01:00

Operación CAN

2007-11-09T00:36:00.000+01:00

Esta operación can é unha iniciativa moi interesante que promociona a creación de materiais multimedia orixinais, imaxinativos e relativos á proteción da natureza e especialmente dos animais. Pódedes informarvos dos detalles en:
http://www.info@operacioncan.com
E para mostra, un botón. Disfrútao.

Símbolos de Galicia

2007-09-26T21:47:00.000+02:00

Despois de facer actividades ailladas co Edilim de Fran Macías en diferentes ocasións, por fín me decidín a rematar un libro completo: "Símbolos de Galicia: localización , a bandeira, o escudo, o hino". Ao tema xa lle tiña gañas desde hai tempo, a pesares de ter feito algo de xeito tanxencial en Etnonet 2.0 .
Por se a alguén lle serve nalgún momento, déixoa colgada na web do meu centro (CEIP O Piñeiriño).

Vivaldi & art

2007-07-05T00:01:00.001+02:00

Uso e promoción do galego no ensino.

2007-07-03T12:58:00.000+02:00

Xa temos nova normativa para o uso do galego no sistema educativo. Publicouse no DOG o pasado venres, 29 de xuño e aporta algunhas novidades:

50% do horario lectivo en galego
Documentación e comunicacións institucionais en galego
Comeza un plan de formación para actualizarse (cursos de galego para docentes)

Este 50% das horas implica algunhas áreas e asignaturas que serán necesariamente en galego e outras que se adoitarán en decisións de centro. As normativas son as seguintes:

En primaria: matemáticas, coñecemento do medio e educación para a cidadanía
En secundaria: ciencias da natureza (tamén bioloxía e xeoloxía ademáis da física e química, ciencias sociais, xeografía e historia, matemáticas e educación para a cidadanía)

Accede ao texto do Decreto premendo aquí.

Arredor de María Mariño

2007-05-15T17:35:00.000+02:00

Preséntovos unha recopilación de recursos dispoñibles na rede para traballar o día das letras e a persoaxe deste ano 2007: María Mariño.

Especialmente saliaentables os traballos en vídeo do Taller Lumiere (un grupo de profes do IES F. Asorey de Cambados). Tamén as actividades do Seminario Galán de estudos galegos e a colección de actividades ARDORA dos profes do CEP A. Magariños de Cambados.

Coma sempre recurrín aos mellores fondos de recursos educativos galegos-en-galego: O portal edugaliza.org, a web de Norberto, e... a blog do noso compañeiro Antón Vicente (que tamén aportou un recurso moi divertido e formativo: fórmula20.

Botade unha ollada a ver se vos serve de algo nestes días:

http://centros.edu.xunta.es/cfr/pontevedra/lgalegas/index.html

saúde

Crea actividades multimedia con ARDORA

2007-03-19T21:14:00.000+01:00

A creación do compañeiro Xose Manuel Bouzán do CEIP de Palmeira non deixa de nos procurar incribles posibilidades para a creación de actividades educativas multimedia. Podes comprobalo sinxelamente entrando na web http://www.webardora.net/exemplos_gal.htm, ou ben comezando por explorar moitas aplicacións xa feitas na páxina do cole de Palmeira (que merece a pena visitar pola súa calidade e cantidade de contido de interese) http://centros.edu.xunta.es/ceipdepalmeira/Ánimo e a crear actividades. Quedo á espera de coñecer as vosas creacións.

Lingua galega e software libre

2007-03-15T19:50:00.000+01:00

Presentouse o pasado venres en Santiago unha iniciativa interesante: a aposta pola promoción do uso do denominado "software libre" na nosa comunidade. Por moitos motivos: calidade, gratuidade (fundamental) e outro non menos importante, o seu carácter aberto, característica que posibilita - entre outras - a súa traducción ó galego.

Deste xeito camiñamos cara á normalización potenciando a presencia do galego nas novas tecnoloxías, achegando aplicacións útiles e moi atractivas con interfaces galegas e facendo presente a lingua nos eidos punteiros da sociedade.

Na web http://www.mancomun.org atopamos moita información sobre esta iniciativa. Dentro desta atopamos o programa de traducción compartida ENTRANS, no que podes participar achegando as túas suxerencias de traducción galega de aplicacións ou mesmo suxerir ferramentas intersantes para traducir.

Bótalle unha ollada e participa.

Etnonet (Enciclopedia interactiva de cultura galega)

2007-03-14T13:17:00.000+01:00

Unha nova creación de Antón Vicente. Mellorando a anterior versión. Con esta ETNONET2 podes por a proba os teus coñecementos sobre a cultura galega respostando a unha serie de preguntas de opción múltiple, sinxelas e ilustradas con imaxes.
Proba a utilidade desta aplicación para os teus alumnos e alumnas. Está disponible no portal de edugaliza. http://www.edugaliza.org/dsc/Etnonet2/index.htm

ola compañeiros

2006-11-22T19:21:00.000+01:00

esta primeira entrada no bicarelo ten só por obxecto saludarvos, dar a benvida a todos e presentarvos unha bitácora que, para comezar, pretender servir de dinamizador das vosas novas blogs.
como primeiro paso, quero pedirvos que enviedes un comentario a esta primeira entrada no que incluades a dirección da vosa bitácora. Eu ireinas incluíndo no apartado de ligazóns de interese, no menú da dereita, para que todos poidamos entrar a coñecelas.
gustaríame que nas vosas blogs comezasedes cun artículo que falase do curso que temos feito. un texto no que comentedes, por exemplo, a parte deste curso de formación que vos resultou máis interesante, entretida ou útil (ou mesmo todo iso xunto); tamén sería moi interesante se alguén está a traballar nalgún dos programas que temos visto, que nolo comente.

adiante coas blogs.